ភ្នំពេញ —
សំណល់ប្រាសាទបុរាណចំនួនពីរត្រូវក្រុមហ៊ុនចិនមួយឈូសកម្ទេចនៅក្នុងសហគមន៍ជនជាតិដើមភាគតិចកួយក្នុងខេត្តព្រះវិហារដែលកំពុងមានទំនាស់ដីធ្លី។
មន្ត្រីជំនាញផ្នែកវប្បធម៌របស់ខេត្តព្រះវិហារឲ្យដឹងថា សំណល់ប្រាសាទបុរាណទាំងពីរមានចំណាស់តាំងពីសតវត្សទី៧។
អ្នកស្រីហ៊ាន សុគន់ ជនជាតិកួយជាអ្នកភូមិស្រែព្រាង ឃុំប្រមេ ស្រុកត្បែងមានជ័យ ខេត្តព្រះវិហារ។ នាងបានរៀបរាប់តាមទូរស័ព្ទនៅថ្ងៃព្រហស្បតិ៍នេះថាកម្មកររបស់ក្រុមហ៊ុនចិន Lan Feng (Cambodia) International Co.Ltd ដែលជាក្រុមហ៊ុនមួយក្នុងចំណោមក្រុមហ៊ុនចិនចំនួនពីរ ដែលក្រុមជនជាតិកួយចោទប្រកាន់ថា បានរំលោភយកដីរបស់ផងខ្លួននោះ បានឈូសកម្ទេចខឿនប្រាសាទបុរាណចំនួនពីរជាបន្តបន្ទាប់ក្នុងអំឡុងខែកុម្ភៈ។
«ប្រាសាទនោះគឺប្រាសាទយក្ខព្លួកជាប្រាសាទកប់ដី។ ប្រហែលជាទំហំប្រាំម៉ែត្របួនជ្រុង មានបល្ល័ង្ក ពីមុនកាយប៉ះមួយ ហើយពេលនេះកាយប៉ះមួយទៀត»។
អ្នកស្រីហ៊ាន សុគន់ ឲ្យដឹងថា សំណល់ប្រាសាទដែលត្រូវបំផ្លាញចុងក្រោយឈ្មោះថា ប្រាសាទយក្ខ។ ហើយមានសំណល់ប្រាសាទមួយចំនួនទៀតដែលនៅក្បែរនោះ ដូចជាប្រាសាទព្រះពុទ្ធបាក់ក និងប្រាសាទអណ្តូងជាដើម។
លោកឡោ ច័ន្ទ អ្នកសម្របសម្រួលអង្គការការពារសិទ្ធិមនុស្សអាដហុកប្រចាំខេត្តព្រះវិហារ មានប្រសាសន៍ថា ការឈូសឆាយខឿនប្រាសាទបុរាណនេះសិ្ថតក្នុងក្របខណ្ឌនៃជម្លោះដីធ្លីរវាងក្រុមហ៊ុន Rui Feng (Cambodia) International Co.Ltd និងក្រុមហ៊ុន Lan Feng (Cambodia) International Co.Ltd ជាមួយប្រជាពលរដ្ឋជនជាតិដើមភាគតិចកួយ។
ក្រុមហ៊ុនចិនទាំងពីរបានទទួលសិទ្ធិវិនិយោគលើផ្ទៃដីសរុបជិត១៨.០០០ហិចតាសម្រាប់ដំណាំអំពៅ និងដាំដើមអាកាស្យា។
ដោយឡែក លោក ចាន់ សូវ៉េត អនុប្រធានផ្នែកស៊ើបអង្កេតរបស់សមាគមអាដហុក ដែលទើបនឹងត្រឡប់មកពីការស៊ើបអង្កេតដោយផ្ទាល់នៅនឹងកន្លែងបានពិពណ៌នាអំពីលក្ខណៈខឿនប្រាសាទនេះ។
«ប្រាសាទនៅតំបន់នោះមានបីបួន ហើយប្រាសាទមួយនោះ យើងឃើញឈូសរបើកខ្ទេចចេញទម្រប្រាសាទ ឬបល្ល័ង្កប្រាសាទ។ ថ្មទាំងនោះគឺជាថ្មភក់ ហើយនៅខាងក្រោមដី ដូចជាទីតាំងប្រាសាទ»។
លោក គល់ វីរៈ អនុប្រធានមន្ទីរវប្បធម៌ខេត្តព្រះវិហារ អះអាងថា ភ្នាក់ងារមានសមត្ថកិច្ចបានចុះទៅត្រួតពិនិត្យសំណល់ប្រាសាទនេះជំហានដំបូងរួចហើយ។
«យើងបានចុះទៅហាមឃាត់ មានក្រុមការងារថ្នាក់ស្រុក និងបានកំណត់ចំណុចហាមឃាត់កុំឲ្យក្រុមហ៊ុនឈូសឆាយឬរុករាន»។
ជាមួយគ្នានេះ លោកម៉ៅ វី មន្ត្រីផ្នែកបេតិកភណ្ឌ័របស់ខេត្តព្រះវិហារ បញ្ជាក់ថាសំណល់ប្រាសាទនេះមិនមានរូបរាងពិតប្រាកដនោះទេគឺមានតែរូបរាងផ្នែកខាងក្រោមតែប៉ុណ្ណោះ។ ហើយក្រុមភ្នាក់ងាររបស់អាជ្ញាធរនឹងចុះទៅពិនិត្យតំបន់នេះឡើងវិញនៅក្នុងពេលខាងមុខ។
សូមបញ្ជាក់ថា កាលពីពេលថ្មីៗនេះ តំណាងជនជាតិដើមភាគតិច បានឡើងមកទីក្រុងភ្នំពេញដើម្បីដាក់ញ្ញត្តិជូនក្រសួងនានា និងជូនលោកនាយករដ្ឋមន្ត្រី ហ៊ុន សែនដើម្បីស្នើសុំអន្តរាគមន៍ទប់ស្កាត់អ្វីមួយដែលក្រុមជនជាតិភាគតិចទាំងនេះហៅថា ការរំលោភបំពានពីក្រុមហ៊ុនឯកជន និងការបំផ្លាញប្រាសាទបុរាណនិងទីកន្លែងសក្ការៈនៃដូនតារបស់ពួកគេ។
ក៏ប៉ុន្តែរហូតមកទល់ពេលនេះ នៅមិនទាន់មានអន្តរាគមន៍ណាមួយពីរដ្ឋាភិបាលនៅឡើយ៕
មន្ត្រីជំនាញផ្នែកវប្បធម៌របស់ខេត្តព្រះវិហារឲ្យដឹងថា សំណល់ប្រាសាទបុរាណទាំងពីរមានចំណាស់តាំងពីសតវត្សទី៧។
អ្នកស្រីហ៊ាន សុគន់ ជនជាតិកួយជាអ្នកភូមិស្រែព្រាង ឃុំប្រមេ ស្រុកត្បែងមានជ័យ ខេត្តព្រះវិហារ។ នាងបានរៀបរាប់តាមទូរស័ព្ទនៅថ្ងៃព្រហស្បតិ៍នេះថាកម្មកររបស់ក្រុមហ៊ុនចិន Lan Feng (Cambodia) International Co.Ltd ដែលជាក្រុមហ៊ុនមួយក្នុងចំណោមក្រុមហ៊ុនចិនចំនួនពីរ ដែលក្រុមជនជាតិកួយចោទប្រកាន់ថា បានរំលោភយកដីរបស់ផងខ្លួននោះ បានឈូសកម្ទេចខឿនប្រាសាទបុរាណចំនួនពីរជាបន្តបន្ទាប់ក្នុងអំឡុងខែកុម្ភៈ។
«ប្រាសាទនោះគឺប្រាសាទយក្ខព្លួកជាប្រាសាទកប់ដី។ ប្រហែលជាទំហំប្រាំម៉ែត្របួនជ្រុង មានបល្ល័ង្ក ពីមុនកាយប៉ះមួយ ហើយពេលនេះកាយប៉ះមួយទៀត»។
អ្នកស្រីហ៊ាន សុគន់ ឲ្យដឹងថា សំណល់ប្រាសាទដែលត្រូវបំផ្លាញចុងក្រោយឈ្មោះថា ប្រាសាទយក្ខ។ ហើយមានសំណល់ប្រាសាទមួយចំនួនទៀតដែលនៅក្បែរនោះ ដូចជាប្រាសាទព្រះពុទ្ធបាក់ក និងប្រាសាទអណ្តូងជាដើម។
លោកឡោ ច័ន្ទ អ្នកសម្របសម្រួលអង្គការការពារសិទ្ធិមនុស្សអាដហុកប្រចាំខេត្តព្រះវិហារ មានប្រសាសន៍ថា ការឈូសឆាយខឿនប្រាសាទបុរាណនេះសិ្ថតក្នុងក្របខណ្ឌនៃជម្លោះដីធ្លីរវាងក្រុមហ៊ុន Rui Feng (Cambodia) International Co.Ltd និងក្រុមហ៊ុន Lan Feng (Cambodia) International Co.Ltd ជាមួយប្រជាពលរដ្ឋជនជាតិដើមភាគតិចកួយ។
ក្រុមហ៊ុនចិនទាំងពីរបានទទួលសិទ្ធិវិនិយោគលើផ្ទៃដីសរុបជិត១៨.០០០ហិចតាសម្រាប់ដំណាំអំពៅ និងដាំដើមអាកាស្យា។
ដោយឡែក លោក ចាន់ សូវ៉េត អនុប្រធានផ្នែកស៊ើបអង្កេតរបស់សមាគមអាដហុក ដែលទើបនឹងត្រឡប់មកពីការស៊ើបអង្កេតដោយផ្ទាល់នៅនឹងកន្លែងបានពិពណ៌នាអំពីលក្ខណៈខឿនប្រាសាទនេះ។
«ប្រាសាទនៅតំបន់នោះមានបីបួន ហើយប្រាសាទមួយនោះ យើងឃើញឈូសរបើកខ្ទេចចេញទម្រប្រាសាទ ឬបល្ល័ង្កប្រាសាទ។ ថ្មទាំងនោះគឺជាថ្មភក់ ហើយនៅខាងក្រោមដី ដូចជាទីតាំងប្រាសាទ»។
លោក គល់ វីរៈ អនុប្រធានមន្ទីរវប្បធម៌ខេត្តព្រះវិហារ អះអាងថា ភ្នាក់ងារមានសមត្ថកិច្ចបានចុះទៅត្រួតពិនិត្យសំណល់ប្រាសាទនេះជំហានដំបូងរួចហើយ។
«យើងបានចុះទៅហាមឃាត់ មានក្រុមការងារថ្នាក់ស្រុក និងបានកំណត់ចំណុចហាមឃាត់កុំឲ្យក្រុមហ៊ុនឈូសឆាយឬរុករាន»។
ជាមួយគ្នានេះ លោកម៉ៅ វី មន្ត្រីផ្នែកបេតិកភណ្ឌ័របស់ខេត្តព្រះវិហារ បញ្ជាក់ថាសំណល់ប្រាសាទនេះមិនមានរូបរាងពិតប្រាកដនោះទេគឺមានតែរូបរាងផ្នែកខាងក្រោមតែប៉ុណ្ណោះ។ ហើយក្រុមភ្នាក់ងាររបស់អាជ្ញាធរនឹងចុះទៅពិនិត្យតំបន់នេះឡើងវិញនៅក្នុងពេលខាងមុខ។
សូមបញ្ជាក់ថា កាលពីពេលថ្មីៗនេះ តំណាងជនជាតិដើមភាគតិច បានឡើងមកទីក្រុងភ្នំពេញដើម្បីដាក់ញ្ញត្តិជូនក្រសួងនានា និងជូនលោកនាយករដ្ឋមន្ត្រី ហ៊ុន សែនដើម្បីស្នើសុំអន្តរាគមន៍ទប់ស្កាត់អ្វីមួយដែលក្រុមជនជាតិភាគតិចទាំងនេះហៅថា ការរំលោភបំពានពីក្រុមហ៊ុនឯកជន និងការបំផ្លាញប្រាសាទបុរាណនិងទីកន្លែងសក្ការៈនៃដូនតារបស់ពួកគេ។
ក៏ប៉ុន្តែរហូតមកទល់ពេលនេះ នៅមិនទាន់មានអន្តរាគមន៍ណាមួយពីរដ្ឋាភិបាលនៅឡើយ៕
