ប្រធានាធិបតីរុស្ស៊ី Vladimir Putin បានប្រាប់ក្រុមមន្រ្តីសន្តិសុខជាន់ខ្ពស់កាលពីថ្ងៃព្រហស្បតិ៍ថា រុស្ស៊ីត្រូវតែរីកចម្រើនខ្លាំងឡើងៗដោយបានចោទប្រកាន់ប្រទេសលោកខាងលិចពីការព្យាយាមធ្វើឲ្យមានអស្ថេរភាពដល់ប្រទេសរបស់លោក។
ថ្លែងទៅកាន់មន្រ្តីជាន់ខ្ពស់របស់សេវាកម្មសន្តិសុខសហព័ន្ធ (FSB) ដែលជាទីភ្នាក់ងារសន្តិសុខដ៏សំខាន់របស់រុស្ស៊ី លោក Putin បាននិយាយថា លោកសង្ឃឹមថា ស្ថានភាពអន្តរជាតិរួមមានជុំវិញប្រទេសរុស្ស៊ីផងនឹងប្រសើរឡើង។លោកនិយាយថា ស្ថានភាពនឹងផ្លាស់ប្តូរទៅកាន់ភាពប្រសើរឡើងមិនមែនតែ យើង ជានិច្ចកាលនឹងចុះញ៉ម បន្ទន់ឬនិយាយដូចជាកូនង៉ែតជាមួយអ្នកណាម្នាក់នោះទេ។ វាមានការផ្លាស់ប្តូរទៅកាន់ភាពប្រសើរឡើង ប្រសិនបើយើងខ្លាំងឡើងៗ។
ដោយសំដៅដល់ទំនាក់ទំនងតានតឹងរបស់ប្រទេសលោកជាមួយប្រទេសលោកខាងលិច ប្រធានាធិបតី Putin បាននិយាយថា គោលនយោបាយឯករាជ្យរបស់រុស្ស៊ីហើយនិងការប៉ុនប៉ងដើម្បីជួយពលរដ្ឋដែលខ្វះខាតរួមទាំងអ៊ុយក្រែនបានធ្វើឲ្យពួកគេខឹងយើងដោយគ្មានដឹងការខុសត្រូវដែលយើងជាធម្មតានិយាយថា ជាសហការីនិងដៃគូ។
រុស្ស៊ីបានដណ្តើមយកឧបទ្វីប Crimea ពីប្រទេសអ៊ុយក្រែនកាលពីមួយឆ្នាំមុន ហើយបានគាំទ្រក្រុមទាមទារបំបែករដ្ឋក្នុងផ្នែកខាងកើតនៃប្រទេសនោះ។ នៅក្នុងការឆ្លើយតប សហរដ្ឋអាមេរិកនិងសហភាពអឺរ៉ុបបានដាក់ទណ្ឌកម្មលើក្រុមមន្រ្តីរុស្ស៊ីនិងពាណិជ្ជករ៕
